+27 (0) 28 482 1618

Piet van As: ‘n Bek vol Strandveld

May 28, 2018 | Blog

Amper 30 jaar nadat Dalene Matthee vir Piet van As uitgedaag het om sy stories vas te vang in ‘n boek, is ‘n Bek vol Strandveld nou hier.

Die boek sal deur oom Piet bekendgestel word by Black Oystercatcher op Saterdag 16 Junie.

‘n Bek vol Standveld is ‘n versameling kortverhale, sketse en gedigte oor die Strandveld, soos vasgevang deur ‘n egte Strandvelder.

Stories sluit in ‘n terugblik op die verhale van die Strandveld en die dag toe Buurman Prins Harry ‘ontvoer’ het. Die boek is ‘n kosbare bydrae tot die kultuur-erfenis van die Agulhas streek.

 

Soos Amanda Botha in haar voorwoord skryf:

“As jy Piet van As se stories lees of by kan sit wanneer hy self aan die woord is, weet jy hoe hy sy hartswêreld deur en deur ken. Die bloed in sy are is sout seewater, vleibos en alikreukel. Kortom, met sy stories en sy “prentjies” is hy regte, egte Strandveld mens.”

Sy stories is onderhoudend en lewenswarm. Hy erken self dat sy vertellings van bitter-soet onthou-verhale, terugverlang-verhale is – “hartseerverlange” na ‘n tyd wat was. Dis wat sy “onthoue na vore” bring. Dis hierdie besondere mense van die Suidpuntstreek wat Piet in sy stories weer lewend maak. Hul praat hul eie taal, vertroetel hul oorlewinge en folklore met ‘n kenmerkende en verkwikkende humor. Piet en sy mense ís wat hulle is – niemand kan of wil hom anders voordoen as wat hy is nie.”

Om die boekbekendstelling by te woon – en van oom Piet se staaltjies te hoor (met ‘n ligte versnapering), kontak ons om jou plek te bespreek: 028 482 1618.

Volg Piet van As: ‘n Bek vol Strandveld op Facebook.

 

Fotos & sketse: Strandveld Boeke

BLOG ARCHIVE

Activity News

Agulhas Plain

When people write poems about your #waterscapes, you know you have something pretty special.

Local Strandvelder, Piet van As (also known as Piet Prentjies), did just that, remembering his time spent at Waagskaalvlei (also known as Waskraalvlei). This poem, Waskraal, is included in his book, Piet se Stories – a book capturing some of the amazing untold stories of the Strandveld, and the colourful characters who lived here. Read more.

Black Oystercatcher Cottages on Instagram

Something is wrong.
Instagram token error.

Subscribe




Pin It on Pinterest

Share This
X